ဟိုပုံးမြို့ သို့ တခါတခေါက် (၁)

ကျနော်တလောက တောင်ကြီး-ဟိုပုံး ခရီးတခေါက် သွားခဲ့တယ်ဗျ ။ အလုပ်ကိစ္စနဲ့ ပဲ သွားဖြစ်တာပါ…..။ ဟိုမှာက အဖေ့အလုပ်ကိစ္စ ဖွင့်ပွဲရယ် ၊ ကျနော့် အလုပ်ကိစ္စလေးရယ် နှစ်ခု တိုက်ဆိုင်သွားတော့ အဖေနဲ့ပဲ တူတူသွားဖြစ်ခဲ့ပါတယ် ။ မသွားခင်တရက်အလိုလောက်ကတည်းက အပြည့်အစုံ အကုန်စီစဉ်ပီးသား ။ သွားမဲ့မနက်ရောက်တော့ ချစ်သူကို သတင်းပို့ သူငယ်ချင်းနှစ်ယောက်နဲ့ ထမင်းစားပီး အိမ်က ကားနဲ့ပဲ ထွက်ခဲ့ပါတယ် . . .။

ကျနော်ရယ် အဖေရယ် ၊ အဖေ့တပည့် ၃ယောက်ရယ် ပေါင်း ၅ယောက်ကို Hilux ကားလေးနဲ့ ထွက်ခဲ့ကြပါတယ် ။ ကျောက်ဆည်မြို့ ပတ်လမ်းကနေ မြို့ကြီး လမ်း အတိုင်း လာခဲ့ပါတယ် . . . ။ မြို့ကြီးကနေ ရွာငံ လမ်းပိုင်းမှာ လမ်းက တော်တော်ကြီးကို ဆိုးပါတယ် ။ ဒါပေမယ့် မိထ္ထီလာသွားတဲ့ လမ်းထက်တော့ မိုင်တိုင်ပိုလျှော့ပါတယ် ။ တစ်တောင်တတ် တစ်တောင်ဆင်း ၊ ဘယ်ကွေ့လိုက် ညာကွေ့ လိုက်နဲ့ ကားမောင်းရတာလဲ တော်တော်လေး ပင်ပန်းပါရဲ့ ။ နေ့လည် ၂ နာရီလောက်က ထွက်လာလိုက်တာ ။ ကလောမြို့ ကို ရောက်တော့ ထမင်းစားနား အဲ့ဒီတော့ ညနေ၆ နာရီ လောက်ရှိပီ ။ ရွာငံဘက်က ထွက်လာတဲ့ လမ်းက ကားကြီးတွေ ကုန်ကားကြီးတွေ အများသောအားဖြင့်သွားကြတာဆိုတော့ လမ်းက မကောင်းပါ ။ အောင်ပန်းမြို့ကို ဖြတ်ပီး တောင်ကြီးမြို့ ထဲဝင်ခါနီးတော့ မှုန်မှုန်ကလေး တိုက်ခတ်လာတဲ့လေအေးနဲ့ အတူ Cheery FM က စောင့်လို့ ကြိုဆိုနေပါတယ် ။ တောင်ကြီးမြို့မှာ ခဏနားကြပီး ဟိုပုံးမြို့ကို ဆက်လက် ချီတက်ကြပါတယ် ။

ခရမ်းရောင်ဝတ်မှုန်ရဲ့ . . . အခန်းပျက်ည

ဝတ်မှုန်ရေ……
ငါ့လိပ်ပြာ တောင်ပံခတ်သံနဲ့
နင့်စိတ်မှာ ရောင်ပြန်ဟပ်ချင်ရဲ့ . . . ။

ကြိုးတွေ. . . ကြိုးတွေနဲ့
ချည်နှောင်ထားပေမယ့် . ..
နင်နဲ့ငါ . . . ငါနဲ့နင်ရဲ့ အကြား. . .
အကွာအဝေးတွေက ရှိမြဲပဲ . .. . ။

ပြေး……………..
……………………တယ်။
မရောက်ဘူး.. .
ငါကပန်းတိုင်နဲ့ ဆန့်ကျင်ဘက်ကိုမှ
ပြေးမိတဲ့ကောင် . . .. . . . ။

ဝေး……….ပြီ ဆိုတဲ့အသိက
ပြန်ဆုံဖို့ ကံကြမ္မာကို
ဘောင်ခတ်တယ်. . .. ။
ငါ မကျေနပ်ဘူး . .. .

`တောက်´
နှုတ်ခမ်းကို ပျက်လုအောင်ကိုက်မိပြီး….
ငါ့ညတွေက
ခရမ်းရောင်. .. . . . . ။

ထားခဲ့ပါ. . . .ထားခဲ့ကြပါ….။
အပေအတေကောင်ရဲ့
ဒီလိုညတွေက
ငါမပြောလဲ နင်သိမှာပါ. . . ။

(ကျွန်တော်ရယ် ငဂျူလိုင်ရယ် ၂ယောက် တစ်ယောက်တစ်ပေါက် ၊ ၂ ယောက်၂ပေါက် စပ်ကြည့်ထားတာပါ. .. ။ )

ဖတ်ဖြစ်ခဲ့တဲ့ စာမျက်နှာများ

မိုးရာသီနေ့တနေ့မှာ
ကျွန်တော့်ကို မွေးဖွားခဲ့တဲ့
မေမေရေ. . . ။

လူကြားထဲမှာ
လူလားမြောက်အောင်
ပြုစုပေးတဲ့ မေမေရေ . .. ။

လူတွေက အရောဝင်လို့မကောင်းဖူးဆိုတာ
ကျွန်တော်သိလိုက်ရတယ်. .
မေမေရေ. . . မေမေရေ. . ။

ကျွန်တော့်မှာ ….
မှေးစက်စရာ နားခိုစရာ
အရိပ်လေးတခုလောက်တော့ တောင့်တမိပါရဲ့. . ။

မေမေရေ. . .
အဲ့ဒီအရိပ်လေးမှာ
ကျွန်တော့်အတွက် ဂစ်တာလေး တစ်လက်
နားလည်မှုတွေနဲ့ ကြည်ကြည်နူးနူး
စကားလေးတွေ ပြောပေးမဲ့ ချစ်သူတစ်ယောက်
ဒါတွေကို သား တောင့်တမိတာပါ မေမေ. . . ။

တကယ်တော့
တန်ဖိုးဆိုတာ သူမရှိတော့မှ
ပိုသိလာရတယ် မေမေ. . . .။

ကျွန်တော်မှားခဲ့ပြန်ပြီထင်ပါရဲ့ မေမေရယ် . .
အမြဲတမ်း မှားနေတဲ့ကျွန်တော်က
သူနဲ့လဲ မှားနေမြဲပဲ. . ။

အလင်းပွင့်မဲ့ လက်လေးနဲ့
တချက်လောက် ကျွန်တော့်ရင်ဘက်ကို
လာစမ်းသပ်ကြည့်ပါအုံး မေမေ. . .
သား အသက်ရှူသံတွေ မှန်ပါသေးရဲ့လားလို့. . . ။

သူများတွေနဲ့ နေထွက်ရာအရပ်ချင်း မတူညီခဲ့တဲ့လူမို့. . .
အလွဲများက အသားကျနေတာတော့ အမှန်ပဲ . .
ဆက်ပီး လွဲနေရင် သားဘ၀တော့
ဂိမ်းအိုဗာ သွားတော့မယ်ထင်ရဲ့ . . မေမေရယ်. . ။

ချစ်ရတယ်ဆိုတာ
ပင်ပန်းတယ်လို့ မထင်မိပေမယ့်
သက်ပြင်းခနခန အဖော်လုပ်ရတာမျိုးမှန်း
သူများပြောတာ ကြားဖူးတယ် မေမေ. . .
သူတို့ထင်တာမှန်နေပြီလို့ သားထင်မိတယ်. . ။

သူတို့တွေပြောနေကြတဲ့
လူတွေရဲ့ အကြောင်းနဲ့
သားပြောနေတဲ့ လူတွေရဲ့ အကြောင်းက
မတူပေမဲ့ ကွဲလွဲချက်တွေ ရှိနေတယ်မေမေ. . . ။

ဒါပါပဲ . . မေမေ. .
သူတို့လဲပြောနေကြတယ်
ကျွန်တော်လဲ ပြောနေတယ်. ..
ပြောရင်းပြောရင်း ဆက်သွားနေကြရဲ့. . .
လေကုန်လိုက်တာ မေမေရယ်. . . . ။

(ပိုစ့်မရေးဖြစ်တာ ကြာလို့ စိတ်ထင်ရာ ရေးပလိုက်မိတယ်. . )

Bad News

မနေ့ညက ည၈နာရီလောက်ကြီး အိမ်က မိသားစုနဲ့ အပြင်ထွက်မုန့်ထွက်စားတုန်း ၇၈လမ်း ၊ ၃၅လမ်း ထောင့် မီးပွိုင့်တွင် ကားရပ်ထားသည်ကို နောက်က @#$%! လပ်ကီး သောက်ရေသန့် အမည်ပေါက် ကားကြီးသည် ဘရိတ်ပေါက်ပီး ကျနော် မောင်ညီမင်း ဘက်ခြမ်းကို ၀င်အောင်းသွားပါကြောင်း . . .။ ကားသာ ဖြစ်ပီး လူများ ဘာမှမဖြစ်ပေ . . . ။ သို့သော် ကျနော်တို့ကားမှ စတိုက်ချသွားပီး ရှေ့မှ ဂျစ်ကား တစ်စီးကား ၀င်တိုက်အပီးတွင် ဆိုင်ကယ်နှင့် ကောင်မလေးတယောက်အား တိုက်ကာ ရပ်သွားပါကြောင်း. . ။ ဆိုင်ကယ်နှင့် ကောင်မလေးမှာ ဆေးရုံတွင် အရေးပေါ်ကုသနေရကြောင်း . . .။

ကံကောင်းထောက်မစွာဖြင့် လက်ထုတ်မစီးမိကြောင်း လက်ထုတ်စီးမိပါက အနှီညီမင်းခညာ လက်အလုံးတိုဘ၀ရောက်သွားနိုင်ကြောင်း . . .။ထိုသို့သော အခင်းဖြစ်ပွားပီးစဉ် မောင်ညီမင်း တယောက် ဒေါသတကြီးဖြင့် အုတ်နီခဲကို ကောက်ပီး ၀ဲလိုက်မိရာ . .. ထိုလပ်ကီး သောက်ရေသန့် ပို့ဆောင်သော ကားကြီး၏ မှန်ကြီးမှာ “ထုတ်ချင်းပေါက်” သွားပါကြောင်း . . . ။ ကျနော်တို့ ကားမှာ ရောင်းရန် “သ” ထားသည်မှာ အချိန် ၂ ပတ်လောက်သာ ရှိသေးကြောင်း . . .။ နှမြောမိကြောင်း တယောက်ထဲမနိုင်မနင်းဖြစ်နေချိန်တွင် ကျနော့်၏ ချစ်လှစွာသော အကို ရောက်ချလာပီးနောက် သူ့ ထုံးစံအတိုင်း “၀ူးဝါး. ..၀ူးဝါး” နှင့် ကားဒရိုင်ဘာအား ဖုန်းဒိုင်း . .. ဖုန်းဒိုင်း နှင့် ကိုင်ပါသည်. . . ။ နောင်တော် ဘရားသား ကိုင်နေချိန်တွင် ကျနော် ညီမင်းမှာ အားတတ်ပီးသကာလ မော်တော်ပီကယ် တဲထဲမှ တတောင်ကျော်ကျော် တုပ်တို ကိုတွေ့သည်နှင့် ထို တုတ် နှင့်ပဲ လပ်ကီးအမည်ပေါက် ကားကြီး၏ မီးခွက်များအား ကိစ္စတုံး ပေးလိုက်ရလေတော့သတည်း . . . ။ ထို့နောက်တွင် မန်နေဂျာဆိုသော ငနဲ တစ်ကောင်ရောက်လာပီး ဘာဖြစ်တယ် ညာဖြစ်တယ် လာရောက်အော်ဟစ်ပြောနေသောကြောင့် နောင်တော်မှ တချက်ပဲ ကြည့်လိုက်ချိန်တွင် ငြိမ်ခနဲ ဖြစ်သွားပေသည်. . .။

ယခုတွင် တရားရုံးတွင် ကား၂ စီးစလုံးထားထားရကြောင်း ၊ ယာဉ်မောင်းအား ဥပဒေအရ ပိုပိုသာသာ အရေးယူပါစေဟု တောင်းဆုပြုနေကြောင်းနှင့် သောက်ရေသန့်ဆိုရင် လပ်ကီး ကို တသက်လုံး မသောက်တော့ဟု ဆုံးဖြတ်ထားကြောင်း . . ဘလော့ခ် မိတ်ဆွေသင်္ဂဟ များအား အသိပေးလိုက်ရပါသည်. . .။

Diary

ဟိုရက်တွေက လူက စိတ်အရမ်းညစ်နေမိတယ် . . ။ ဒါ့အပြင် တစ်ယောက်သောသူနဲ့ စကားများထားတယ် . . ။ ဒီနေ့အထိ သူက စကားကိုမပြောတော့ လူက ရူးချင်သလိုလို ပေါချင်သလိုလိုဖြစ်နေမိရဲ့ . . ။ ဒီကြားထဲ စာမေးပွဲတဲ့ . . ။ ဒုတိယနှစ် နောက်ဆုံး စာမေးပွဲကို ဖြေရမယ်တဲ့ …။ ကျနော်ကလဲ ကျောင်းကို တနှစ်ပတ်လုံးမှာ တရက်တောင် မသွားတဲ့သူဆိုတော့ . . ကြည့်ကောင်းပီ . . ။ သူငယ်ချင်းတစ်ယောက်ဆီကို သွား စာသွားကူးနေရတာနဲ့ တနေ့တနေ့ မအားပြန်ဖူး . . ။ စာတွေစုံတော့ စာတွေကြည့်ရတော့တာပေါ့ . . ။ တပွဲထိုးအကျင့်က မောင်ညီမင်းတို့ ထုံးစံဖြစ်နေပါပီလေ. . .မထူးပါဖူး ဒီတခါလဲ တပွဲထိုးပဲပေါ့ . . .။

ကံမကောင်းလှစွာပဲ . . .ကျနော့်ခုံနံပါတ်က ဖြေမဲ့နေ့မှာ ပျောက်ခြင်းမလှ ပျောက်နေပါတယ်. . ။ထုံးစံအတိုင်း ပါပါကြီး (ပါချုပ်) ကို အပူကပ် သူ့ထောက်ခံချက်နဲ့ဖြေလိုက်ရပါတယ် . . ။

နောက်ရက်များတွင်လဲ မောင်ညီမင်းတစ်ယောက်. . . .. . စာမေးပွဲပဲဖြေနေရပါသည် ။ ထို့ကြောင့် အွန်မလိုင်းနိုင်ပါ ။ ဘလော့လေးကို ပစ်ထားမိတာကြာပေါ့ . . ..။ စာမေးပွဲပြီးမှပဲ အွန်လိုင်းမှာ လမ်းသလားတော့မယ်. . ။

သူ့ကိုလဲ သေသေချာချာတောင်းပန်ချင်နေမိတယ်. . . ။

ထွက်ပေါက်

ဒီရက်ပိုင်းအတောအတွင်း ဘယ်လိုမှအဆင်မပြေဖူးဖြစ်နေတယ်ဗျ. . . ။ လုပ်စရာအလုပ်တွေကလဲ ပုံနေတယ် ။ ဖတ်စရာ စာတွေလဲ အပြီးသတ်မဖတ်နိုင်သေး ။ တခါတခါကျတော့ ကိုယ့်ကိုကိုယ် အားမကျသလို အားလုံးအပေါ်လဲ ဒေါသထွက်နေတတ်တယ်ဗျာ . . ။ မျှော်မှန်းထားတဲ့ အခြေအနေတွေက ဖြစ်မလာနိုင်တော့ ဘာဆက်လုပ်လို့လုပ်ရတော့မယ်မှန်း မတွေးတတ်အောင်ပါပဲ . . . ။ ဒီလိုမျိုးတွေး ကြုံဆုံလာရတော့မှ လူတွေအကြောင်းကို နည်းနည်းလေး သိလာသလိုပဲ ။
လူတွေ . . . လူတွေ . . ။ သူလိုငါလို ပခုံး၂ဖက်ကြားထဲ ခေါင်းပေါက်နေတဲ့ လူတွေပါ. . . ။ လူလိုသူလို စာနာတတ်ဖို့တော့ ကောင်းမယ်ထင်ပါတယ် . . ။ သူလိုငါလို လျှောက်ပြောနေခြင်းမဟုတ်ပါ . ။ အပြင်မှာ ဘာပဲဖြစ်ခဲ့ဖြစ်ခဲ့ အိမ်မှာ အမြဲပျော်အောင်နေတဲ့ အဖေ့ကို အခုမှ နည်းနည်းနားလည်လာသလိုပဲ ။ ဒါပေမယ့် ကျနော်ကတော့ အဖေ့ကိုလဲ မနေနိုင်သေးပါ. .. ။ အမြဲတမ်း ရုးကြောင်ကြောင်နဲ့ အချိန်ကိုက်ဗုံးတလုံးကို ကိုင်ဆောင်ထားတဲ့ ကလေးတစ်ယောက်နဲ့ တူတယ်လို့ ခံစားမိပါရဲ့ . . ။အဆင်မပြေတဲ့ကိစ္စတွေကို စုထားတည်းထား ပီးရင် မဲကျရာကျောင်းတိုက်လို့ခေါ်မလား ကံဆိုးသူမောင်ရှင် လို့ပဲ ခေါ်မလား အဲ့ဒီလူအပေါ်မှာ အချိန်မရွေးကောက်ပေါက်ကွဲ . . . ။ သူငယ်ချင်းတွေတော်တော်များများကတော့ သည်းခံကြပါတယ် . . ။ အဲ့ဒါကိုသိလုိ့ကျနော်ကလဲ သူတို့အပေါ်ဆို အလွန်ဆိုးပါတယ် . . ။ညစ်ပါတယ် . . ။ခပ်တည်တည်နဲ့ကို လိုက်ကျပ်ပါတယ်. . . ။
ထိုသူငယ်ချင်းများကို ဒီပိုစ့်လေးတင်ပီးတော့ပဲ တောင်းပန်လိုက်ရပါတယ် . . ။ (ဟိ . . လုပ်ချင်တာလုပ်ပီးမှ ဆောတီးအဘရယ် ဆိုပီးတောင်းပန်ရတာ ဘယ်လောက်ဖီးလ်လဲ. . )

ငါ့လက်ရေးတိုင်း လှစေ

(၁) တွေးလက်စအတွေးတွေကို ခဏလောက်ချထားပီး မှတ်မိသလောက်ပြန်တွေးကြည့်တယ် ။ နောက်ပိုင်း ဒီ့ထက်ပိုပီး ထူးမလာခဲ့ပါဖူး ။ ဖြစ်သင့်တာတွေကို ကျနော် လုပ်ခဲ့ပီးပီပဲ ။ ဘာမှထပ်ပီး တောင့်တစရာ မလိုတော့ဖူးလို့ထင်မိပါတယ်. ။ ကျနော်လုပ်ခဲ့တဲ့ ပြသာနာတိုင်း ကိစ္စတိုင်းမှာ ကျနော် အပြည့်အ၀ တာဝန်ယူရဲတယ် ။ သို့သော် ဒီမျှနှင့်သာ ဝေ ပါစေ ။ မကြွေစေချင်ခဲ့ဖူးလေ ။ အမှားတွေ အမှန်တွေ ရောယှက်နေတဲ့ ဝေဒနာတွေ ဘယ်သူ့ကို လက်ညိုးထိုးမလဲ ။(လက်ညိုးထိုးတိုင်း ကိုယ့်ဘက်ကို လက်၃ ချောင်းက အနည်းဆုံး ပြန်ထိုးနေတော့ အတ္တဆိုတာ ဒါလား ။ အမှန်ဆို မပြောလဲ ငါသိသင့်တယ် ။ ကောင်းကင်ပြာကို ဆေးရောင်ချယ်တာ မင်းအတွက် ဆိုတာကို ။ ကောင်းကင်က မိုးချုပ်ပီးရင် မိုးလင်းမှာပါပဲ .. . ၊ ဒါကိုလဲ ငါကြိုတွေးထားပါတယ် ။ အာရုဏ်ဦးကိုတော့ ငါမျှော်နေမိတယ်…….

(၂) နွေမနက်ခင်းမှာ တွေးတဲ့အတွေးက ဆောင်းတွင်းဆို ငါမုန်းတယ် ။ မြစ်ပြင်ကျယ်ကိုငေးကြည့်ရင်း တိမ်တွေအရောင်တောက်တာ နေကြောင့်ရယ်လို့ မှတ်ယူခဲ့တယ် ။ ပူလောင်နေတဲ့ အတွေးတွေကို မိုးရာသီမှာ ဆေးကြောခွင့်ရချင်ရဲ့ ။ ဒီအချိန်ဆိုရင် ဘယ်လိုနေမလဲ . . . တွေးကြည့်ဖူးတယ် ။ နှင်းတွေကို ချက်ချင်းမြင်လိုက်မိသလိုပဲ ။ ကျွန်တော် ဆက်လျှောက်မဲ့ လမ်းတွေမှာ တွဲလက်ဗလာနဲ့ပဲ ရှိတော့မှာလား ? ။ ဇန်န၀ါရီမှာ တွေးရင်း ဒီဇင်ဘာကို လွမ်းဖူးတယ် ။ ဒါတွေကိုတော့ အပြစ်မမြင်ကြပါနဲ့ .. . . .။

(အမှန်ဆို ကျနော်က အမြဲလက်ရေးမလှသူပါ . .. ပေးထားတဲ့ ခေါင်းစဉ်နဲ့ စာသားနဲ့ မလိုက်ဖူးလို့တော့ တွေးမိတယ်. ..)

Disable XP Shutdown

Window XP မှာ Shutdown Disable လုပ်ကြည့်ရအောင်
HKEY_CURRENT_USER\Software\Microsoft\Windows\CurrentVersion\Policies\Explorer. Create a new DWORD value named NoClose with a data value of 1. အဲဒါဆိုရင် shutdown Botton လေးက ပျောက်နေမှာ ဖြစ်ပါတယ်
ပြန်ပေါ်ချင်တယ်ဆိုရင်တော့ NoClose တန်ဖိုးနေရာမှာ 1 ထည့်ပေးလိုက်ပါ ။ ပြန်ပေါ်လာပါလိမ့်မယ် ။

Shutdown လေးကို Desktop ပေါ်ကနေ မြန်မြန်လေး လုပ်နိုင်အောင်

Desktop ပေါ်မှာ Mouse Pointer ကို right clickှိပ်ပြီး New > Shortcut ရွေးပြီးသွားရင်
shutdown -r -t 01 -c “Rebooting your PC” အဲလို ရိုက်ထည့်ထားလိုက်ပါ “Rebooting your PC” ဆိုတဲ့ နေရာမှာ ကိုယ်စိတ်ကြိုက် message-text ချန်ထားခဲ့လို့ရပါတယ် ။ ဥပမာ -
shutdown -s -t 03 -c “See you later!”
shutdown -r -t 03 -c “You can’t get rid of me that quickly!”

Switch | What is does
-s Shutdown the PC
-l Log off the current user
-t nn Indicates the duration of delay, in seconds, before performing the action.
-c “message text” Displays a message in the System Shutdown window. A maximum of 127 characters can be used. Themessage must be enclosed in quotation marks.
-f Forces any running applications to shut down.
-r Reboots the PC.

ဒီအထဲက ဇယားအတိုင်း ကိုယ့်စိတ်ကြိုက် ဖန်တီးယူလို့ရနိုင်ပါတယ် ။ အဲဒီ shutdown icon လေးကို စိတ်ဝင်စားမဲ့ နာမည်လေးပြောင်းပေး icon ပုံလေးပြောင်းပေး လိုက်ရင် Run မိတဲ့သူကတော့ shutdown ကျသွားမှာပေါ့ဗျာ ။ အဲဒီ icon ကို startup ထဲမှာ ထည့်ထားလိုက်ရင်တော့ စက်ဖွင့်တိုင်း ပြန်ပြန်ကျသွားမှာပေါ့ဗျာ ။ ဒါပေမယ့် အဲဒါကို Safe mode ထဲကနေ ၀င်ပီး msconfig ထဲကနေ ပြန်ဖြုတ် (Disable) လုပ်လိုက်ရင်တော့ Window ပြန်တက်လာပါလိမ့်မယ် ။

Happy Birthday

တဲရေ …

Happy Birthday ပါနော်…

ငါ့ချစ်သူလေး လူလူသူသူ အသက် ၁၈ ပြည့်သွားပြီ …။

ည တုန်းက ကိုယ့်ချစ်သူ  အတွက် ပထမဆုံး Birthday Wish ပေးချင်လို့ ဖုန်းဆက်တာ .. ငါ့တဲလေး က အိပ်သွားပြီတဲ့.. ။

နင် ပထမ ပြောခဲ့တဲ့ စကားတွေက အမှန်တွေဖြစ်နေပြီး … ငါစိတ်ဆိုးမှာ စိုးလို့ နောက်ပိုင်းပြောတဲ့စကားတွေက လိမ်တာဆိုတာ ငါသိပါတယ်.. ။

ဒါပေမဲ့ ထားလိုက်ပါတော့လေ … ။

နင်စိတ်ညစ်ခဲ့တာတွေ အတွက် တောင်းပန်တယ်နော် တဲ .. ။

ငါ လည်း နောက်လိုက်တာပါ တဲရယ်…။

စိတ်မဆိုးနဲ့….။

နင့်လိုတော့ စကားလုံးလှလှလေးတွေနဲ့မပြောတတ်ဘူးဟာ………။

ဒါပေမဲ့ …………

ချစ်တယ် .. တဲ

လွန်

ကျွန်တော် နှင့် တနေ့တာ

ဒီနေ့ မန်းလေးမှာ မိုးအေးအေးလေး တဖွဲဖွဲကျနေတယ် . . . ။ အမြဲတမ်း ပူနွေးစိုစွတ်နေတဲ့ ကျွန်တော့် အခန်းငယ်တောင် အေးမြနေသယောင်. .  ။ မနက်မိုးလင်းတိုင်း မနေ့ညက ငါဘာတွေလုပ်ခဲ့လဲဆိုတာကို ပြန်တွေးမိတယ် . . . ။ မနေ့ညက မနက် ၄ နာရီခွဲလောက်မှ အိပ်ယာဝင်ခဲ့တာကိုမှတ်မိတယ် . . ။ အိပ်ယာမ၀င်ခင် ဂစ်တာတိုးတိုးလေး ခေါက်ကြည့်မိတာကို သတိရတယ် . . ။ ဂစ်တာမတီးခင်  . . “သစ္စာနီ ရဲ့ လူနှင့် အခြားဝတ္တုတိုများ” ဖတ်နေတယ် . . . ။ အဲ့ဒီစာအုပ်ထဲက “မှန်နှင့်လူ” ၊ “ကားနှင့်လူ” အဲ့ဒါတွေကို မှတ်မိတယ် . . ။နောက်တော့ စာမဖတ်ခင်က ကျောင်းစာတပုဒ်ကို တွက်ခဲ့သေးတယ် .. . ။ မေဂျာ – ၂၁၀၁ ပေါ့ . . ။ အဲ့ဒါမတွက်ခင်က ဘာလုပ်နေတာပါလိမ့် . . . ။ အော်. . . ရုပ်ရှင်ကြည့်နေတာ . . ။ ကာတွန်းကားလေ. . . ။ Meet The Robinson ဆိုတဲ့ ကာတွန်းကား . . . ။ အဲ့ဒီကာတွန်းမကြည့်ခင် က . . . . . သူငယ်ချင်းတစ်ယောက်နဲ့ လက်ဖက်ရည်ဆိုင်သွားပီး နက်စ်ဘလက် တစ်ခွက် သွားသောက်ခဲ့တယ် . .  ။ သူနဲ့ လက်ဖက်ရည်ဆိုမှာပြောဖြစ်ခဲ့တာတွေက . . Performance art အကြောင်း ဆွေးနွေးဖြစ်ခဲ့ပါတယ် . . ။ သူက များများပြောပီး ကျွန်တော်က များများနားထောင်ပါတယ် . . . ။

မနေ့က လုပ်ခဲ့တာက ဒီလောက်ပဲ . . . .  ။ မေမေလာမနိုးသေးသရွေ့ မိန်းနေလိုက်အုံးမယ် . .  ။ သား“ညီညီ” ထတော့ ထမင်းစားမယ်ဆိုတဲ့ မေမေ့ အသံကြားရင် ကျွန်တော် ပျော်ပါတယ် . . ။ ထမင်းဝိုင်းကို ကျွန်တော် ဆင်းလာစားတဲ့အချိန်မှာ အိမ်သားတွေအားလုံး (မေမေကလွဲလို့) အကုန်အလုပ်သွားကြပါပီ. .  ။ခြောက်ကပ်ကပ်ထမင်းဝိုင်းကို မေမေ့ရဲ့ “သား. . .စားကောင်းလား” ဆိုတဲ့ မေးခွန်းလေးက စိုပြေသလိုခံစားရပါတယ်. . . ။ ထမင်းစားပီးတော့ သတင်းစာကောက်ကိုင်ပါတယ် . . . ။ အထင်မကြီးကြပါနဲ့ ကြော်ညာကြည့်တာပါ . . ။ဘယ်သူငယ်ချင်းကတော့ မင်္ဂလာဆောင်သွားပီ . . ။ ဘယ်သူငယ်ချင်းကတော့ ဆုံးရှာပီ ဆိုတဲ့ နာရေးကြော်ညာတွေကိုလဲ ဖတ်ဖြစ်ပါရဲ့ . . .။ နောက်တော့ မနက် ၁၀ နာရီခွဲလောက်ကြတော့ . . . မေမေ့ဆီက မုန့်ဖိုးတောင်း ပီးတော့ ကျောင်းသွားပါတယ် . .  ။ နေ့ခင်း (၁) နာရီလောက်ကျတော့ ပြန်လာ . . . ။ သူငယ်ချင်းဖွင့်ထားတဲ့ ဆိုင်လေးကို ၀င် အဲ့ဒီမှာက အေးချမ်းတယ်ဗျ . . . အေးအေးဆေးဆေးစာဖတ်ချင်ဖတ် . . .မဖတ်ချင်ရင် ရုပ်ရှင်ကြည့် သီချင်းနားထောင်လို့ရတယ်. . . ။ ညနေ (၆)နာရီ အထိဆိုပါတော့ . . ။ အဲ့ဒီနောက် သူငယ်ချင်းကို ရုံးလိုက်ပို့ ပီးရင် ကျွန်တော်က အိမ်ပြန် (မျက်နှာဝင်ပြ) ပီးတော့ ပြန်ထွက်လာ . . . ။ ချစ်သူကို တွေ့ရဖို့ အင်တာနက်ဆိုင်ကို ထွက်လာ  . . ။ သူစောင့်နေမှာပဲဆိုတဲ့အသိက ဆိုင်ကယ်ကို မြန်မြန်မောင်းမိစေတယ် . . .။ချစ်သူနဲ့တွေ့တော့ . . . ပူနွေးလိုက် အေးစက်သွားလိုက် . . .နီသွားလိုက် ညိုသွားလိုက် ပြာသွားလိုက် ပြောင်းလဲနေတဲ့ တိမ်တွေအကြောင်း ပင်လယ်ပြင်တွေအကြောင်း ပြောပြမိတယ် . . . ။ သူမနဲ့ ကျွန်တော်လဲ ပင်လယ်ပြင်ဖြစ်လိုက် တိမ်တိုက်တွေ ဖြစ်လိုက်ပါပဲ . . .။

အဲ့ဒီနောက်မှာ သူငယ်ချင်းကို ရုံးပြန်ကြို . . . ။ထုံးစံအတိုင်း လက်ဖက်ရည်ဆိုင်ထိုင်ဖြစ်ကြတယ် . . . ။ ထုံးစံအတိုင်း သူများများပြောပြီး ကျွန်တော် များများနားထောင်ပါတယ် . . . ။ ထုံးစံအတိုင်း နက်စ်ဘလက် တခွက်ကတော့ မနက်ဖန်မှာ ဘယ်လိုလူမျိုးတွေနဲ့ တွေ့ရမယ်ဆိုတာ တွေးရင်း စားပွဲပေါ်မှာ ငုတ်တုတ်ပေါ့ . . . ။